हरिः ओम्

Sloka Text in Telugu , Kannada, Gujarati, Devanagari, English

સુંદરકાંડ.
અથ ત્રિપંચાશસ્સર્ગઃ||

તસ્ય તદ્વચનં શ્રુત્વા દશગ્રીવો મહાબલઃ|
દેશકાલહિતં વાક્યં ભ્રાતુરુત્તરમબ્રવીત્||1||

સમ્યગુક્તં હિ ભવતા દૂતવધ્યા વિગર્હિતા|
અવશ્યં તુ વધા દન્યઃ ક્રિયતા મસ્યનિગ્રહઃ||2||

કપીનાં કિલ લાંગૂલં ઇષ્ટં ભવતિ ભૂષણમ્|
તદસ્ય દીપ્યતાં શીઘ્રં તેન દગ્ધેન ગચ્છતુ||3||

તતઃ પશ્યં ત્વિમં દીનં અંગવૈરૂપ્યકર્શિતમ્|
સમિત્ર જ્ઞાતયઃ સર્વે બાન્ધવાઃ સસુહૃત્ જનાઃ||4||

આજ્ઞાપયત્ રાક્ષસેંદ્રઃ પુરં સર્વં સ ચત્વરમ્|
લાંગૂલેન પ્રદીપ્તેન રક્ષોભિઃ પરિણીયતામ્||5||

તસ્ય તદ્વચનં શ્રુત્વા રાક્ષસાઃ કોપકર્ષિતાઃ|
વેષ્ટયન્તિ સ્મ લાંગૂલં જીર્ણૈઃ કાર્પાસજૈઃ પટૈઃ||6||

સંવેષ્ટ્યમાને લાંગૂલે વ્યવર્થત મહાકપિઃ|
શુષ્ક મિન્દનમાસાદ્ય વનેષ્વિવ હુતાશનઃ||7||

તૈલેન પરિષિચ્યાથ તેऽગ્નિં તત્રાભ્યપાતયન્|
લાંગૂલેન પ્રદીપ્તેન રાક્ષસાં સ્તા નપાતયત્||8||

રોષામર્ષા પરીતાત્મા બાલસૂર્ય સમાનનઃ|
લાંગૂલં સંપ્રદીપ્તં તુ દ્રષ્ટું તસ્ય હનૂમતઃ||9||

સહ સ્ત્રી બાલવૃદ્ધાશ્ચ જગ્મુઃ પ્રીતા નિશાચરાઃ|
સ ભૂય સંગતૈઃ ક્રૂરૈઃ રાક્ષસૈઃ હરિસત્તમઃ ||10||

નિબદ્ધઃ કૃતવાન્ વીરઃ તત્કાલસદૃશીં મતિમ્|
કામં ખલુ નમે શક્તા નિબદ્ધાસ્યાપિ રાક્ષસાઃ||11|

છિત્વાપાશાન્ સમુત્પત્ય હન્યામહં ઇમાન્પુનઃ|
યદિ ભર્તુર્હિતાર્થાય ચરન્તં ભર્તૃશાસનાત્ ||12||

બધ્નન્યેતે દુરાત્માનો ન તુ મે નિષ્કૃતિઃ કૃતા|
સર્વેષામેવ પર્યાપ્તો રાક્ષસાના મહં યુધિ||13||

કિંતુ રામસ્ય પ્રીત્યર્થં વિષહિષ્યેऽહ મીદૃશં|
લંકા ચારયિતવ્યા વૈ પુનરેવ ભવદિતિ||14||

રાત્રૌન હિ સુદૃષ્ટા મે દુર્ગકર્મ વિધાનતઃ|
અવશ્યમેવ દ્રષ્ટવ્યા મયા લંકા નિશાક્ષયે||15||

કામં બદ્ધસ્ય મે ભૂયઃ પુચ્છસ્યોદ્દીપમનેન ચ|
પીડાં કુર્વન્તુ રક્ષાંસિ ન મેऽસ્તિ મનસઃ શ્રમઃ||16||

તતઃ તે સંવૃતાકારં સત્ત્વવન્તં મહાકપિં|
પરિગૃહ્ય યયુર્હૃષ્ટા રાક્ષસાઃ કપિકુંજરમ્||17||

શંખ ભેરીનિનાદૈઃ તં ઘોષયન્તઃ સ્વકર્મભિઃ|
રાક્ષસાઃ ક્રૂરકર્માણઃ ચારયન્તિ સ્મ તાં પુરીમ્||18||

અન્વીયમાનો રક્ષોભિ ર્યયૌ સુખમરિન્દમઃ|
હનુમાંશ્ચારયામાસ રાક્ષસાનાં મહપુરીં||19||

અથાપશ્યત્ વિમાનાનિ વિચિત્રાણિ મહાકપિઃ|
સંવૃતાન્ ભૂમિભાગાંશ્ચ સુવિભક્તાંશ્ચ ચત્વરાન્||20||

વીધીશ્ચ ગૃહસંબાધાઃ કપિઃ શૃંગાટકાનિ ચ|
તથા રથ્યોપરથ્યાશ્ચ તથૈવ ગૃહકાન્તરાન્||21||

ગૃહાશ્ચ મેઘસંકાશાન્ દદર્શ પવનાત્મજઃ|
ચત્વરેષુ ચતુષ્કેષુ રાજમાર્ગે તથૈવ ચ||22||

ઘોષયન્તિ કપિં સર્વે ચારીક ઇતિ રાક્ષસાઃ|
સ્ત્રીબાલ વૃદ્ધા નિર્જગ્મુઃ તત્ર તત્ર કુતૂહલાત્||23||

તં પ્રદીપિતલાંગૂલં હનુમન્તં દિદૃક્ષવઃ|
દીપ્યમાને તતઃ તસ્ય લાંગૂલાગ્રે હનૂમતઃ||24||

રાક્ષસ્ય સ્તા વિરૂપાક્ષ્યઃ શંસુર્દેવાવ્યાસ્તદપ્રિયમ્|
યસ્ત્વયા કૃત સંવાદઃ સીતે તામ્રમુખઃ કપિઃ||25||

લાંગૂલેન પ્રદીપ્તેન સ એષ પરિણીયતે|
શ્રુત્વા તદ્વચનં ક્રૂરં આત્માપહરણોપમમ્||26||

વૈદેહી શોક સંતપ્તા હૂતાશનમુપાગમત્|
મંગળાભિમુખી તસ્ય સા તદાssસીન્મહાકપેઃ||
ઉપતસ્થે વિશાલાક્ષી પ્રયતા હવ્યવાહનમ્|||27||

યદ્યસિ પતિશુશ્રૂષા યદ્યસ્તિ ચરિતં તપઃ|
યદિ ચાસ્ત્યેકપત્નીત્વં શીતો ભવતુ હનૂમતઃ||28||

યદિકિંચિદનુક્રોશઃ તસ્ય મય્યસ્તિ ધીમતઃ|
યદિ વા ભાગ્યશેષો મે શીતો ભવતુ હનૂમતઃ||29||

યદિ માં વૃત્તિ સંપન્નાં તત્સમાગમ લાલસાં|
સ વિજાનાતિ ધર્માત્મા શીતો ભવતુ હનૂમતઃ||30||

યદિ માં તારયેદાર્યઃ સુગ્રીવઃ સત્યસંગરઃ|
અસ્માદુઃખામ્બુસંરોધાત્ શીતો ભવ હનૂમતઃ||31||

તતઃ તીક્ષ્‍ણાર્ચિ રવ્યગ્રઃ પ્રદક્ષિણશિખોऽનલઃ|
જજ્વાલ મૃગશાબાક્ષ્યા શ્શંસન્નિવ શિવં કપેઃ||32||

હનુમજ્જનકશ્ચાપિ પુચ્છાનલયુતોऽનિલઃ|
વવૌ સ્વાસ્થ્યકરો દેવ્યાઃ પ્રાલેયાનિલશીતલઃ||33||

દહ્યમાને ચ લાંગૂલે ચિંતયામાસ વાનરઃ||34||

પ્રદીપ્તોऽગ્નિરયં કસ્માન્નમાં દહતિ સર્વતઃ|
દૃશ્યતે ચ મહાજ્વાલઃ કરોતિ ન ચ મે રુજમ્||35||

શિશિરસ્યેવસંપાતો લાંગૂલાગ્રેપ્રતિષ્ટિતઃ|
અથવા તદિદં વ્યક્તં યદૃષ્ટં પ્લવતા મયા||36||

રામપ્રભાવાદાશ્ચર્યં પર્વતઃ સરિતાં પતૌ|
યદિ તાવત્ સમુદ્રસ્ય મૈનાકસ્ય ચ ધીમતઃ||37||

રામાર્થં સંભ્રમસ્તાદૃક્કિમગ્નિર્નકરિષ્યતિ|
સીતાયાશ્ચાનૃશં સ્યેન તેજસા રાઘવસ્ય ચ||38||

પિતુશ્ચ મમ સખ્યેન ન માં દહતિ પાવકઃ|
ભૂયઃ સ ચિંતયામાસ મુહૂર્તં કપિકુંજરઃ||39||

ઉત્પપાતાથ વેગેન નનાદ ચ મહાકપિઃ|
પુરદ્વારં તતઃ શ્રીમાન્ શૈલશૃંગમિવોન્નતમ્||40||

વિભક્તરક્ષસ્સંભાધ માસસાદાનિલાત્મજઃ|
સ ભૂત્વા શૈલસંકાશઃ ક્ષણેન પુનરાત્મવાન્ ||41||

હ્રસ્વતાં પરમાં પ્રાપ્તોબન્દનાન્યવશાતયત્|
વિમુક્તાશ્ચાભવત્ શ્રીમાન્ પુનઃ પર્વતસન્નિભઃ||42||

વીક્ષમાણાશ્ચ દદૃશે પરિઘં તોરણાશ્રિતમ્|
સ તં ગૃહ્ય મહાબાહુઃ કાલાયસ પરિષ્કૃતમ્||43||

રક્ષિણસ્તાન્ પુનઃ સર્વાન્ સૂદયામાસ મારુતિઃ|
સતાન્ નિહત્વા રણચણ્ડવિક્રમઃ સમીક્ષમાણઃ પુનરેવ લંકામ્||
પ્રદીપ્તલાંગૂલકૃતાર્ચિમાલી પ્રકાશતાssદિત્ય ઇવાર્ચિમાલી||44||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુંદરકાંડે ત્રિપંચાશસ્સર્ગઃ ||

||ઓમ્ તત્ સત્||
|| Om tat sat ||